打從一開始我就是屬於你的。愛你的感覺，該要怎樣表現出來。
雖然片刻的交流歡愉直通天國，但是怎樣都保留不住。破壞你的無垢，不再童貞，你就不是你 ---- 完全的你 ---- 我不許。
加熱溫度，把我的愛慕升華，就讓你蒸餾成點滴精華，手帕一飄揮發於大氣中，隨著粒子運動懸浮在塵世間，叫眾生為你顛倒，直到上帝也銷魂。
哪些是我的，哪些是你的，那時候恐怕已經分不出來。
拍攝和音樂很有美感。
怎樣分類呢 ... 叫作 cult 片好像太失禮，畢竟都是名著 (雖然看過原文的德國佬都說作者一定是個變態)。全片的氣氛很不一至，直至中段急轉成奪命狂呼式驚嚇格局，害我還在想結果要讓兇手怎樣一個死得痛快，還是 cult 得徹底過癮的想像以外。
既然是有主題想表達，就不用著墨太多在那些鬼影憧憧的追殺場面啦 (太喜歡懸疑片，看了一兩個分鏡就開始猜迷底，命中率不錯，最愛 David Fincher)，花多點時間來表達那腐朽的愛，一定更加淒艷、卻永恆。雖然已經有夠吃不消的了...
p.s. 我相信，這片子一定不可能在香港上映，甚至發行 DVD。
. . . . .
那時你送我一盒香水“唔好咩? Man 啲 wor”
我說不要，只是鬥氣而已，其實我是由衷地感動得想喊。
現在留了鬍子(試驗性)，又會用香水，而然，你不再擁有我了。
reference link:
6 comment:
不，好似早個數個月前唔知幾時，香港有上過哩套戲，d人都話好好睇...
(我一向唔鍾意睇戲，所以無睇)
咁仲慘, 我去 google 搵完全搵唔到有關o既香港 site or 影評, 去開o既香港 blog, newsgroup 同 forum 都完全無人講, 上左都無幾多個睇.
唔係掛XDDDDD 咁恐怖...
之前真係好多人講話好睇架...
http://hk.myblog.yahoo.com/hyper-bitch/article?mid=2339}
唔知岩唔岩,我無睇過內容,但我之前上過佢個blog見過佢post哩篇先好有印象香港有上過哩套戲...
都搵到幾篇既, 不過香港有參考價值既討論真係無幾多 lor, 你貼個 link 都無人回就知啦.
我都唔太 suggest 你睇, 唔係話會教壞你, 但係記得你提過婚前性行為o既睇法, 就知你一定接受唔到 perfume 既內容(特別係結局), 會即刻嘔. (okok, 我認我 open)
嗱~ 妹妹, 不過咁, 同人講自己唔睇戲, 就好似同我講唔聽音樂唔睇書咁, e d 係一個人既視野,修養同內涵黎o架, 俾著我就一定減你分 ~!
香港比較少人寫影評...
哦~~係呀,我麻麻地接受婚前性行為,不過如果自己本身真係有經濟能力當然覺得無問題啦...因為香港實在太多人,自己本身無經濟能力,又無做好安全措施
(呀~今日先有單新聞講有pair 16歲既情人報假案生左出黎,送到去醫院同人講話係後樓梯執到個bb~之後比police發現有疑點篤爆左)
會即刻嘔咁誇張= =?!
哈哈哈哈,咁我真係唔入戲院睇戲架嘛,就算連屋企人播VCD/DVD多數都係食飯時望兩眼,因為我鍾意睇書多d...我已經有2年無入過戲院睇戲= ="(就興趣個d又無人陪我去睇,費事一個人特登去睇)
安唔安全同經唔經濟, 都係 d technical 問題, 好易解決, 反而係背後既道德觀先係重點. 聽講蔡志森做左淫審委員, 我比較擔心你會學埋佢地果套....
anyway la, 睇多 d 戲始終係好既, 至少學多 d 英文
Post a Comment