post | sidebar | footer

Tuesday, April 12

迪花

4 comment
Lock my door.

一路開車送你直到離別時,你拿起相機影下街境咁,我心裡面笑,咁樣邊度影到 GA。
我覺得你其實想起我面前扮野。

到最後我都係忍唔住,抱起你,你緊鎖住雙唇,其實我亦都猶豫緊...
. . . . .

唉,都已經係上年九月既事,但係我實在掛念你,又可以點呢。

起好多人眼中,我已經係嘆慣既大少,而你家住中環半山,當然比我洗費我更多。

都唔係錢既問題,而係人品修養方面,你同我都知我地之間唔存在呢方面既差距。

唔知係好彩定唔好彩,你返黎果日,我俾人偷左電話同銀包,又擔心又麻煩之下,搞左成日先搵到你。

無左電話,要搵你,就要定時定候起街上問人借電話,而你每次聽我電話,都會係一個完全未見過既新號碼,諗起都好笑。

你總係咁突然。
. . . . .

食飯果時,你爸同我講,做會計鬼咁辛苦,俾人當係廉價勞工,仲要受氣,我點點頭,其實都知咩野一回事。你話所以想轉行,我問轉咩,你話做 finance,我差 d 噴茶,唔係都係果 d 野咩 囧。你係我見過最 technical 既女人,無諗過有女人有咁多既電腦知識,不過聽到你話已經報左考試,我都係收埋無講原本想講既野,嗯,只要你鐘意就得。

講下講下,講到起 Perth 打工,你爸話呢度物價高好難生活,你就話有車做油站都唔知幾好,我心諗要你少姐做油站又點得丫。你想返黎,一講起呢個話題你就有 D 炆,要返香港,好多都係來自你屋企既壓力,我都知既。我捉住你手,叫你唔好勞氣。

你媽問我幾時再返香港,我笑住答,唔係成日啦。

好多野想同你傾,都無講到,好似你去加拿大丫,或者當初點解會黎到 Perth丫,其實最想知既係,你中文係咪都係咁差,因為最初識你時,你同我講唔知 Central 叫中環,而且你坐起車上時又真係唔識分左右,只知 left right。睇返你寫既野,又唔似丫。其實都唔重要,我都有一樣野呃左你。

起車裡面,播 Aiko 住既歌,你話好聽,我知你鐘意,係你話返黎果時我就一早整左隻 Aiko 既 CD 放起車上。

就係咁,幾日好快過左 lu,成日都想話你,做野總係無 plan,亂糟糟咁,原本同你 plan 好果 d 野都無晒影。但係你起我身邊,我又點拾得話你呢。
. . . . .

其實部電話都唔係咩野,無左都唔志在,不過咁樣一來就唔見晒好多好多人既電話,唯一在意既係你當日臨走前留俾我既 SMS,雖然當時既承諾都係無做到。

電腦壞左,hard dish 又唔見埋,香港個電話又 cancel 左,突然間我好似無晒過去咁,只有你果一句,我會珍而重之。


PROMiSE MiChi