post | sidebar | footer

Monday, January 14

喧嘩上等

美孚o既八佰屋,算係每次返港必到o既一間店。

IMG_0126
京燒銀鱈魚

這魚好食到不得了,微微炭焦外層包裹著鮮嫩o既魚肉,精髓在於魚皮之下一層魚脂,實在滑溜到不行~~~ 鮮味夾雜酒香,隨魚油滲透整塊魚。食過一道京燒銀鱈魚,乜鬼野 medium rare sirloin steak 都食之無味。此店強項係燒物,專家試左店家自創o既鵝肝茄子天婦羅都相當唔錯。


西京汁燒牛肋骨
仲有呢個牛肋骨,夠咬口但絕對唔太韌,個汁又夠香。諗起以前美孚 office,lunch 時有人另起爐灶,我會係第一個和議,小貓幾隻拉拉扯扯去左八佰屋,除左銀鱈魚,燒黑豚豬扒都好受歡迎。

席間 Corvus 話,我離開之後SIP 同 PPP 好多人都走左,剩低幾個 SE (K 姐就梗係o係度啦!!)。o下~唔係嘛??? 香港唔重視科技都有個譜丫?? 當然唔係啦,之唔係網上交易帶動埋 IT 人材需求~ 一係自己搵,一係其他公司挖角。而我呢,又拿唔定主意。

想去炮台山食烏冬探齋藤先生,鋪位已經人去樓空。吖,都有七八年了吧,原來上一次已經係 06 年秋o既事。事過境遷,我知道,但睇唔透。
. . . . .

D 女人以為我開口埋口國家地理音樂藝術科學邏輯,好大壓力。嘩呀我只不過係閒來乜都八掛一餐,識少少扮下代表而已。放工放學,何嘗唔係嘻皮笑臉,九成九時間唔係言不及意,就係反應過激。

妹話: devil wears DIESEL 喎~ 耶!!!

7 comment:

逍遙小妹 said...

你返咗香港呀?

Nana said...

去開個邊,會去這店試下^^

宇宙人 said...

07年十一月尾返左啦~~ baka~~
香港變得太太太快了

八佰屋o係美孚泳池對面, 附近有間只做外賣既 pizza hut, 近 MTR, 好易搵

魚生壽司都幾新鮮, 仲可以近距離睇住傅父劏>切>搓, 再親手送上你枱, 由頭到尾都係魚檔傅父一腳踢, 家庭式經營嘛 不過唔好點拉麵同烏冬, 定律來的

Kunoichi Terminator said...

原來美孚都有咁好既日本料理?!

總係有人覺得講正經野好大壓力...... 香港真是一個反智的社會

宇宙人 said...

又唔好咁講, 太過扮正經, 攪到場面彊化晒都唔好, 我都知自己有時會嚇親人

Kunoichi Terminator said...

正經唔代表悶, 係香港人先張佢地劃上等號.

英式諷刺, 美式幽默, 日式詼諧, 都唔係反智, 但係都好好笑.

講笑, 係高等智商既其中一項表現.

宇宙人 said...

蔽在港式爛 gag 連碗西米露都唔放過呢 ...