母国情緒

夾在鹹淡水交界，成層圈之間，漸漸地看到了顏色，有種迷失的感覺。

洋化不足，但又完全融入不了對著那碗無辜的西米露笑個翻天的一桌飯枱爛 gag。怎樣也是土生土長，我媽說有多少巴仙是英國，都不重要了。

1903 青空

別人 K2K2 的叫著，就會本能地泛起一陣莫名其妙的親切感，讓我下意識地解除武裝。
看來好像很懂，可這些事總搞得一塌糊塗。

God of War (ver.0.1)

先伸報利益，我無玩過《鬼武者》或 《Devil May Cry》，從來都唔鐘意《三國無雙》式百人斬動作遊戲，尤其討厭其 AI 白痴，個個士兵企o係度任打，志在達成殺敵千百o既滿足感，無聊頂爆。玩過類似而又鐘意，大概只有《Zone of Enders Anubis》，欣賞該系列電影感十足o既演出手法、激光橫飛炮彈亂墜o既視覺效果，當然仲有自由自在無限制o既太空浮游操作。



至於《God of War》，原本係見到平 (兩集合共 $190)，加上坊間好評如潮，抱住一試無妨o既心態。豈料一放入封塵o既主機就實在不得了，實時畫面直迫 360 級數 !!! 無論係正值暴風雨愛琴海上o既遠洋帆船、戰天鬥地o既雅典城、荒廢o既古寺廟，巨大莊嚴o既神殿等，所有舞台都設計得美輪美奐，塑造出一幕幕氣勢磅礡o既景觀，壯觀程度比《汪達與巨像》過之而甚遠。去到第二集兩場騎著飛馬o既青空追逐戰，不禁令人疑問: PS2 有極限的嗎 ?? 果然還是 Sony Computer Entertainment 最了解自家PS2 o既機能。

角色造型亦無馬虎，由主角 Kratos 、奧林匹克眾神、巨人族、命運女神、下至小兵雜魚，髮膚紋理衣衫兵器都細膩無角。最重要o既動作部分更加係喜出望外，戰鬥時招招狠勁，肢解/爆頭/斷頸不過係家常便飯，爽快死了。而且難度唔低，被圍攻時往往都要花心思諗諗點樣盡快殺出重圍(如果唔係會被機關夾死)，讓人重拾果種 “今晚過左呢度先訓 !” 久違了o既熱血感，一玩就係幾個鐘。


. . . . .



係呀♪ 係呀♪ 係呀♪
男人就係咁膚淺o架啦 ---- 打機時自己話晒事，話斬你就斬你 丫嘛

如果印度同新加坡 D 女人個個視打機如洪水猛獸，傳媒就將打機妖魔化，打機果 D 就不斷被地底化、邊緣化，人地會唔會有今時今日o係電子同軟件科技上o既成就吖嗱 ??
. . . . .

Pallas Athena. 1898. Klimt Gustav

新藝術最重要o既其中一位畫家古斯塔夫．克林姆，好多人都知佢以抽象o既表達手法出名，對後來 surrealism 有好大影響。其實初期都有唔少寫實風o既作品，質感o既表現都好好，主題都係古希臘，我話係受同期o既 Sir Lawerance 影響就真。不過因為佢同幕夏主導o既新藝術運動，Sir Lawrence o既作品o係當時被評為唔入流、下等劣品，直至二十世紀後期先再受重視。

喧嘩上等

美孚o既八佰屋，算係每次返港必到o既一間店。

京燒銀鱈魚

這魚好食到不得了，微微炭焦外層包裹著鮮嫩o既魚肉，精髓在於魚皮之下一層魚脂，實在滑溜到不行~~~ 鮮味夾雜酒香，隨魚油滲透整塊魚。食過一道京燒銀鱈魚，乜鬼野 medium rare sirloin steak 都食之無味。此店強項係燒物，專家試左店家自創o既鵝肝茄子天婦羅都相當唔錯。

西京汁燒牛肋骨

仲有呢個牛肋骨，夠咬口但絕對唔太韌，個汁又夠香。諗起以前美孚 office，lunch 時有人另起爐灶，我會係第一個和議，小貓幾隻拉拉扯扯去左八佰屋，除左銀鱈魚，燒黑豚豬扒都好受歡迎。

席間 Corvus 話，我離開之後SIP 同 PPP 好多人都走左，剩低幾個 SE (K 姐就梗係o係度啦!!)。o下~唔係嘛??? 香港唔重視科技都有個譜丫?? 當然唔係啦，之唔係網上交易帶動埋 IT 人材需求~ 一係自己搵，一係其他公司挖角。而我呢，又拿唔定主意。

想去炮台山食烏冬探齋藤先生，鋪位已經人去樓空。吖，都有七八年了吧，原來上一次已經係 06 年秋o既事。事過境遷，我知道，但睇唔透。
. . . . .

D 女人以為我開口埋口國家地理音樂藝術科學邏輯，好大壓力。嘩呀我只不過係閒來乜都八掛一餐，識少少扮下代表而已。放工放學，何嘗唔係嘻皮笑臉，九成九時間唔係言不及意，就係反應過激。

妹話: devil wears DIESEL 喎~ 耶!!!

娯楽(バラエティ)

★★★★★
娯楽(バラエティ), 東京事変

1. ランプ (匝道口) ♪♪♪
2. ミラーボール ♪♪♪
3. 金魚の箱 ♪♪♪
4. 私生活
5. OSCA ♪♪
6. 黒猫道 ♪♪♪
7. 復讐 ♪♪
8. 某都民 ♪♪♪
9. SSAW ♪♪♪
10. 月極姫
11. 酒と下戸 ♪♪
12. キラーチューン ♪♪♪
13. メトロ (地下鐵) ♪♪♪


對椎名林檎的認識止於本能，現在才驚覺，怎麼一直都錯過了趣味橫溢的東京事変。

指示牌懶理，十字路直過，輕快爽朗的《匝道口》是忠於自己的態度。《ミラーボール》和《金魚の箱》是人見人愛的 J-pop，有人埋怨太不“椎名”，其實沒差吧，迷幻性感之餘 rock 味很重，亦好為之後的連串刺激作緩衝。

《OSCA》歇斯底里的咆哮是林檎的獨白，結他手浮雲的個人秀，女人妒忌發作時狂燥暴戾的最佳演出。《黒猫道》是 funky 馬戲團玩法的極致，風趣抵死，可愛得令人會心一笑。狂歡過後，來杯苦澀的黑咖啡，顧名思義，《復讐》充滿著絕望和破壞，天下男人一樣賤。

《某都民》可說是全碟最耐人玩味的一首，一唱一和的對答道出大都市的男女種種。個人最喜歡是緊接的《SSAW》，聽來輕鬆，但當稍為理解歌詞，眼看春夏秋冬年年復年年，就不自覺地有種無奈的傷感...

另一重點作《キラーチューン》則是拿手的 JAZZ + ROCK，不論是 BASS、鋼琴、結他還是椎名的演出均淋漓盡致，沒有《DYNAMITE》的風騷挑逗，換作活潑跳脫的氣息清新得尤如雨中淋浴，經歷一場心靈洗禮。

如果《匝道口》是踏出門口展開一場娛樂之旅，呼應著的就是《地下鐵》: 小朋友，累了，太陽下山，該回家了。


椎名的聲線時而狂飆，時而冤恨，時而肉緊，有時又像個小女孩，總會在不知何時流露出剎那真摰的感情，觸動你我。細緻的音色收放自娛，層出不窮的變奏玩樂，還有精雕細琢的曲詞貫徹全碟，打開包裝拿起小冊子就知道，是名副其實的 ---- 娯楽(バラエティ)。