應該係中六o既時候開始...
喜歡唔只係佢地o既貨品，仲有那份玩世不恭，永遠都係咁嬉皮笑臉。或者潛移默化o既影響，中六o既我確實係輕狂過放縱過。 DIESEL o係香港紅唔起，香港太俗、太死板了。而且 DIESEL 不論男女裝，好多都好蝦人著，cutting 又係偏向修長，即使係180(!)o既我都未必著得落(無辦法啦，點都食唔肥)。咁都好，我先唔同你地班友爭猿人同 LV。
你又知唔知尼幅相見證一個咩野歷史時刻 ??仲有副線o既 55DSL，總共十幾件衛衣、裇衫、褸，咪話我奢侈，計起來都唔及一個 LV 手袋。離開香港前，半個旺角o既男人無論高矮肥瘦都著住西裝褸，仲要一睇就知係荷里活幾百蚊貨仔，無 cutting 又唔 fit 自己 (gimmick 就梗係無啦)，真係好鬼討厭。我飛到來先有多d機會著，well... 180(!) o既我 full gear 再加 DIESEL 純黑 chino 西裝褸，可是令德國人 wow 一聲o既呢~
我有時真係好自大。
reference link:
my diesel collection
3 comment:
O really ?
I think you will like me as well :-p
以前我都好迷戀brand. 不過自從做左採購之後, 真係冇乜mood.
我有好多廠做diesel, 話個秘密你知, 一件賣500蚊既衫, 出廠價只係5-6蚊美金.
當我知道左之後, 真係冇曬火. 情況就好似男人見到假波一樣會不舉.
又有咩所謂呢, 就算你話我知, 出廠價只係 1 蚊, 我都會睇 DIESEL 既廣告, 入去試身室試 DIESEL 既衫, 試完俾錢買, 著上身再行出街.(當然,唔洗錢就最好!)
就好似, 自從黎左e度, 識得煮野食之後, 我話你知一碟 spaghetti 或 risotto 成本價只係十蚊港幣, 你仲會唔會食 pizza hut 果 d ?
咁樣...唔係好有趣咩 ?
btw, 我先諗起執行李時執漏左人地送既溫暖牌 tim...
Post a Comment